විචාර, විශේෂ

සන්නස්ගල සින්ඩ්‍රෝමය

Off
උපුල් ශාන්ත සන්නස්ගල මහතා විසින් රචිත අම්මා කෘතිය ස්වයං චරිතාපදානයකි. මෙම කෘතියේ  අන්තර්ගත වන සහ කතුවරයා විසින් වරින් වර තමා පිළිබඳ කරන ප්‍රකාශ එක්තරා ආකාරයක සායනික ලක්‍ෂණ පෙන්වන බව කිව හැක​.
මනෝ විද්‍යාඥ Saulo Fernández  විසින් ලියන ලද The Paradox of Humiliation: The Acceptance of an Unjust Devaluation of the Self නම් නිබන්ධනයේ Self-Deprecation Syndrome හෙවත්  ස්වයං මානභංග සහලක්ෂණය පිලිබඳව ගැඹුරින් කතා කරයි. මෙම සින්ඩ්‍රෝමය  සන්නස්ගලගේ ප්‍රකාශ තුලින් විද්‍යාමන වනවාද ?
චානුක වත්තේගම  විසින් ලියන ලද  සන්නස්ගලගේ අම්මා සහ ලංකාවේ දුප්පත්කම යන ලිපියේ  පාත්‍ර වර්ගයාගේ ළමා කාලයේ අත්දැකීම් මෙලෙස සනිටුහන් වේ.
ගම්බද දිළිඳු පවුලක, හතළිස් හැවිරිදි කාන්තාවකට දාව, පවුලේ දසවැන්නා සේ මෙලොව එළිය දකින සන්නස්ගල මන්දපෝෂණයෙන් නොපෙළුණේ නම් එයයි පුදුමය! කුඩා කල ගමේ වැඩිහිටියන් ඔහු අඳුන්වන්නේ ‘ඔළුව ලොකු කොල්ලා‘ හැටියටයි. (‘මුදියන්සෙගෙ ඔළුව ලොකු එකා නෙස්ටමෝල්ට් එක හොරෙන් අරං ගියා)  ඔහුගේ දෙපා කෘශය. ඉණෙන් පහළ පණ නැති නිසා ඇවිදින්නේ දෙපා අද්දවමිනි. 70-77 අහේනි සමයේදී ඔහු සොහොයුරු සොහොයුරියන් සමඟ චව් වැල් ලූණු දා ආහාරයට ගනියි. බුත්සරණ අල කයි. රබර් මයියොක්කා කයි. මයියොක්කා කොළ ලූණු හා පොල් දමා කයි. මේ කිසිවක් කාබොහයිඞ්රේට් බහුල ආහාර නොවේ. ප්‍රෝටීන් ගෑවිලා වත් ඇති ආහාර නොවේ. පාසලට ඇතුළුවූ මුල් දවසේම ඔහු ක්ලාන්ත වෙයි. පාසල් යන්නේ වැඩිපුරම ලැබෙන ඇදිහැස බිස්කට් තුන නිසාය. කුඩා සන්නස්ගල සිය සොහොයුරා හා මිතුරන් කැටුව වරකට සත පනහක වැටුපකට තේ දලූ කූඩ කර ගසා ගෙන යයි. මේ දුබලයකු වූ ඔහුට පමණක් නොව කොලූ නඩයේ කිසිවකුට දරන්ට බැරි බරකි.  ඔහුගේ සොහොයුරෙක් තම එක කුස ඔත් සොහොයුරිය ලිංගික උපයෝජනයට ලක්කරන්ට ගොස් ස්වකීය වැඩිමහලූ සහෝදරයාගෙන් රෝහල් ගතවන තෙක් පහරකයි. පියා ඔහුගේ මව මරා වළදැමීම පිණිස නිවසෙහි වළක් කපයි. මරණයෙන් ගැළවෙනු පිණිස මව දරුවන් සමඟ වෙනත් නිවෙස්හි සැඟවෙන්නීය. (සන්නස්ගලගේ අම්මා සහ ලංකාවේ දුප්පත්කම- චානුක වත්තේගම)
ළමා කාලයේ අත්දකින මානසික පීඩනයන් නිසා හීනතාමාන සංකීර්ණය  තමා සහ අවට සමාජය පිළිබඳ අවසංකල්පනය , පුළුල් ලෙස පැතිරී ගිය අනාරක්‍ෂීභාවය , ක්‍රම විරෝධී බව , සෑම ප්‍රපංචයක්ම වටිනාකමකින් තොර බව සිතීම​, ආත්ම සංරක්‍ෂණය සඳහා දුරනුවර්තන ක්‍රම යොදා ගැනීම වැඩිහිටි කාලයේ දැකිය හැකි බව ළමා මනෝ විද්‍යාඥයන් පෙන්වා දෙති.  සන්නස්ගලගේ ආත්ම කථනයන් බොහෝ දුරට මෙම සහලක්‍ෂණය තහවුරු කරයි.
 ළමා කාලයේ අත් විඳි දුක දිනා ජයගත් චරිත එම පීඩනයන් ධනාත්මක ලෙස යොදාගෙන ආත්ම සාක්‍ෂාත්කරණයේ යෙදුනු ආකාරය පිළිබඳ  ඒබ්‍රහම් ලින්කන් , ස්ටීව් ජොබ්ස් වැනි චරිත කතා වලින් හෙලි වේ. නමුත් සන්නස්ගලගේ ආත්ම කථනයන් අනුව  ළමා කාලයේ අත් විඳි දුක දිනා ලබා ගත් ආත්ම සාක්‍ෂාත්කරණය ලඝු වන්නේ තරු පහේ හෝටල් වලින් ඉස්සෝ කකුළුවෝ  කෑම සහ මිලෙන් අධික බ්ලැක් ලේබල් විස්කි බීම යන කරුණු වලටය​. එය අපරිණත ලක්‍ෂණයකි. එම නිසා පාත්‍ර වර්ගයාට ආත්ම සාක්‍ෂාත්කරණට තව බොහෝ දුර ගමන් කිරීම අවශ්‍ය කෙරේ.
වෛද්‍ය රුවන් එම් ජයතුංග 

Related Posts

LankaViews

LankaViews

LankaViews

Video wall

‘නෙළුම් යාය’ බ්ලොග් සම්මාන උළෙල