දේශපාලන

නිර්මාල් එන්න මල් පීපීදැයි කියා බලන්න

0

එක් උදෑසනක ගංගොඩවිල පාත්තියක
පිපුණු සුදු රෝස මල් ඔබ දුටුවාද නිර්මාල් ?
උදෑසන පිණි වලින් තෙමුණු මල්
එහි සුමුදු බව පැතිරුණු නැවුම් සුවඳ
ඔබ වින්දාද නිර්මාල් ?

ඔබ එයින් මලක් කඩාගෙන
කරුණා‍සේනට දුන්නාද ?
ඔහු එම මල ඔබ අතින් ගත්තේද ?
නැතහොත් ඔහු එම මල බිම දැමුවේද
කියන්න නිර්මාල්

1989 දෙසැම්බර් 31 දිනය ඔබට මතකද ?
කරුණා‍සේන ගේ දෙනෙත් වැසුනේ කෙසේද ?
සුදු පැහැති රෝස මල් රත් පැහැ ගැන්වුනේ කෙසේද ?
ඔහුගේ ප්‍රාණය නිරුද්ධ වූයේ කෙසේද ?
නොසඟවා කියන්න මට නිර්මාල්

රුධිරය මෙන් රතු රෝස මල් ගොඩක
වැතිරී සිටි කරුවාව ඔබ දුටුවාද ?
පාස්ටර් ලෝගුවේ රත් පැහැති පැල්ලම
ඇති වූයේ කෙසේද නිර්මාල් ?

කරුණා‍සේන ගේ ආත්මය ජ්වලිත වූවාද
සදාතනික පාපයේ ඔහු ගොදුරක් වූවාද ?
ක්‍රිස්තුස් ගේ කරුණාව නොලත් කරුවා
සාතන් ගේ ග්‍රහණයට අසුවූවාද ?
කියන්න මට නිර්මාල්

පව්කාර මාංශයේ ආශාවන් උදෙසා
ආත්මයද ජීවනයද කෙලෙසූ
විකාරරූපීවූ ප්‍රා භටයන්
සදාකාල ජීවනය මෙන්ම පාරාදීසය
තමන් තුලින් දුරු කලේද නිර්මාල් ?

කොරින්ති වගන්තීන් අත් හල
යාච්ඤාවෙන් සහ ශුද්ධාත්මයෙන් ඈත්වූ
ස්වර්ගික ජීවිතයට පිටුපා
ආත්මය කිලිටි කල පාපයන්
ඔබ අත් දුටුවේද නිර්මාල් ?

http://transyl2014.blogspot.com/2019/01/blog-post_5.html

Related Posts

Leave a reply

Your email address will not be published. Required fields are marked *

Please type the characters of this captcha image in the input box

Please type the characters of this captcha image in the input box

LankaViews

LankaViews

LankaViews

Video wall

‘නෙළුම් යාය’ බ්ලොග් සම්මාන උළෙල