ප්‍රහසන, සංගීතය

0

ඩිස්ටි ඩිඩිං රපට රපට…ජිඟල ලඳුම් ජිඟල ලඳුම් ….. බිස්කට් කුඩු බිස්කට් කුඩු… උම්බලකඩ කැකිරි දොදොල්….

බසයට ගොඩ වූ වේලේ පටන්ගත් සංගීතය කෙතරම් කර්ණරසායනික වූ යේද යත් ලෝලෙවල් පාරෙන් හංවැල්ලට පැමිණීමටත් පෙර මට බැසීමට සිත් වූ නමුත් පසුම්බිය හරස්වූ නිසා මෙන්ම මාසයකට පසු ගෙදර බලා යන හෙයින් එම අදහස වෙනස් කර ගත්තෙමි. වෙන කරන්නට පුලුවන් ඇටි කෙහෙලක් නොවූ නිසාත් සරවුන්ඩ් ඩිජිටල් ඩොල්බි ස්ටේරියෝ හයි ෆයි ක්‍රමයේ ස්පීකර් සැට් එකක් බසයේ වහලයේ , සීට් පල්ලේ මෙන්ම මගීන් ගේ දෙපරැන්ද අස්සේ ද සවි කර ඇති නියාවෙන් මා දෑස යොමු කලේ ඩ්‍රයිවර් අයියාට මදක් පිටුපසින් වන්නට බසයේ වහලයේ එල්ලා තිබූ ටී වී රාජයා දෙසය…..

අවුරුදු කාලෙට සොපිං යන අක්කලා නංගිලා අදින තාලයේ ලෙගින් නොහොත් කකුලට ඇලී ගැලී වෙලී පවතින ජීන්ස් ඇදගත් කොට හැට්ටා වැනි ටී සර්ට් සහ මල්ටිලැක් කලර් කෝඩ් එකට අනුව කොන්ඩය පාට කල සංගීත කණ්ඩායම මා හට සිහි ගැන්වූයේ සංගීත කණ්ඩායමක් නොඑ පොසොන් පෙරහරේ අවසානයට යන රිලා නැටුම් කණ්ඩායම ය. ඒ සමගම කණ්ඩායමේ නිවේදකයා මයික්‍රපෝනය අතට ගෙන

“ඉතිං අපේ රත්තරං යාලුවෝ ,රත්තරං නැන්දලා අක්කලා මාමලා , අපේ රත්තරං කොල්ලො සෙට් එක, රත්තරං අනුග්‍රාහක භවතුන්, පුංචි අපිට රත්තරං ප්‍රසංගයක් දීලා, අපේ නායක නිහතමානී කීබෝඩ් වාදක ලංකාවේ සුන්දර කලාකරු රත්තරං —— අයියා එක්ක අපි ඔයාලව” යනාදී වශයෙන් දහ අතේ වැදවැටෙමින් කල උගේ නිවේදනය මට සිහි කලේ බස් රතයක කෙල්ලෙකුගේ පුක මිරීකීමට ගොස් මාට්ටු වී මගීන් එකතු වී අම්බානකට තලා ලයිට් කණුවක බැඳ දමා සිටි කොලුවගේ පිංසෙණ්ඩු වීමය.

ප්‍රසංගය මෙහෙයවීමට කුලියට ගෙනා ප්‍රවීණ නිවේදක මහතා ඊට හපන්යැ… ඔහුට අනුව ලංකා ඉතිහාසයේ විජය රජතුමා කුවේණිය කසාද බැදි දවසේ දැමූ බජව්වේ සිට, චාලස් ඩයනා කසාදය මෙන්ම හැරී මේගන් විවාහ මගුලේද නිවේදක කටයුතු කර ඇත්තේ ඔහුය, ඒ සියලුම ප්‍රංසංග අතුරින් අති විශාල සුවිසාල මහා ජන රාශිය ජන ගංඟාව පැමින ඇත්තේ බුලත්වැල්ගොඩ ප්‍රජාසාලා පිට්ටනියටය. ඒ හාම කැමරාකරු සිය කැමරාව මහා ජන සංනිපාතයට අල්ලයි….. අඩි හයේ සරම අඩියට උස්සා ගත් කන් පාත් වෙන්න කසිප්පු ගැසූ අංකල් කෙනෙක් කාටදෝ පදේ කියා අමතන සෙයක් එකවරම තිරයේ දිස්වන විටම… කැමරාව ෆෝකස් වන්නෙ තරුණ රූමත් කෙල්ලෙක් වෙතටය…. කිරි පණු ගාය සහ කහඹිලියා කිතුල් ඇට සියල්ල එකට ගෑවුන කලක මෙන් කෙල්ල ඇඹරෙයි…

ඉන්පසුව් එලබෙන්නෙ… ජනප්‍රිය කලාකරුවකුගේ වේදිකා සම්ප්‍රාප්තිය ය, ඔහු ගේ ටීකාව අනුව මහගමසේකරයන් අමරදේව මාස්ටර් යනු අත දරුවන්‍ ය. කුඩා කාලයේ ඉංග්‍රීසි බිල්ලෙකුට බය වූ නිසා හෙතෙම නිතරම “ඒ මයිනර්” “හිවිගෝ” “රස්තාෆාරේ” “රොක් ඇන්ඩ් රෝල්” යනුවෙන් කෑගසයි. ඉතා දුක් මහන්සියෙන් වැලිගොඩ දාන ගෙපල් කපන , පාර අතුගාන පොලව කොටන මෙවන් නිහතමානී ගායකයන් ගැන ටී එම් ජයරත්නයන් සිංදුවක් ද කියා ඇත ඒ “පොලව කොටන තැන පාර හදන තැන දෙවියෝ වැඩ ඉන්නේ” යනුවෙන් හැදින්වෙන දෙවිවරු කොට්ටාසය මෙවන් අය යැයි මා තරයේ විස්වාස කරමි.

ගායකයා සිය ලතෝනිය පටන්ගත් සැනින් වේදිකාවට ගොඩ වන්නේ නර්තන කණ්ඩායම වේ

පාරේ ඝෝෂාව සමග මට ඔවුන්ගේ නම ඇසුනේ…. අහවලී ප්‍රමුඛ ඇබෝශන්ස් නර්ත්න කණ්ඩායම ලෙසටය… නර්තන් කෙසේ වෙතත් ටයර් සංස්ථාවේ වැඩකරන සෙයක් දිස්වන ඔවුන් නටනාවාට වඩා කරනුයේ පස්චාත් භාගය මිනිසුන්ට හරවා වත්ත වටේට සෙලවීමය… එවා පට්ට නැටුම්‍ යැ , සිංදුවට අනුව කෙල්ල වෙන මිනිහෙක් එක්ක දපලාය… නැටුමට අනුව පෙන්වන්නේ කෙල්ල පන්සල් යන්න මල් කඩන බවත් සද අහසේ පායා ඇති බවත්‍ යැ..

දෙක කොටසින් හමුවෙමු
කුෂාන්

https://gonbaduwatta.blogspot.com/2019/01/blog-post_10.html

Related Posts

Leave a reply

Your email address will not be published. Required fields are marked *

Please type the characters of this captcha image in the input box

Please type the characters of this captcha image in the input box

LankaViews

LankaViews

LankaViews

Video wall

‘නෙළුම් යාය’ බ්ලොග් සම්මාන උළෙල