සඳැස් / නිසඳැස්

අහසින් ගිලිහුන තරුවක් විලසින්

Off

අහසින් ගිලිහුන තරුවක් විලසින්
සඳට හොරා අහසින් නික්මුනේ නුඹයි
රහසින් කෙඳිරුව කවියක් විලසින්
කවක් තියේ කවි සිතනම් හුඟක් දුරයි
නොදැනිම නෙතු අග කඳුලක් විලසින්
මඳක් රැඳී රහසෙම ගිලිහුනේ නුඹයි
මතකය මතකයි සුවඳක් විලසින්
හිතක් හඬයි නුඹ නිහඬයි නිසංසලයි

ගඟක් ගලන්නේ සයුරෙන් අසා නොවෙයි
මලක් මියෙන්නේ පොළවට කියා නොවෙයි
හුඟක් කෙටියි අප ආදරයත් එහෙමයි
සඳයි තරුයි, නිල් ඇසුයි නුඹයි මමයි

සඳක් නොවී සඳ එළියක් වුනා තමයි
මලක් නොවී මල් සුවඳක් වුනේ නුඹයි
නුඹයි මමයි ඒ කතාව හරි පුදුමයි
හුඟක් දුරයි අපි, ඇස් පැටලුනා තමයි

පද රචනය – බීටල් බෙයිලි
ansathu dinapotha

Related Posts

LankaViews

LankaViews

LankaViews

Video wall

‘නෙළුම් යාය’ බ්ලොග් සම්මාන උළෙල