කාලීන සංවාද, විශේෂ

ඉදිරී…යේන් එන්නා..වූ….නෙක්…වහලූ…න්..ගේ…. Hot Hot Anuradhapura

2

කොකාගේ සුද පෙනෙන්නේ ඉගිලෙන විටයැයි කවුදෝ කියා තිබේ. කට වසාගෙන සිටින තෙක් ඕනෑ එකෙක් පණ්ඩිතයෙක් යැයි කියා තිබෙන්නේ ද එවැනි කට හැකර එකෙකුමය.

පහුගිය දිනවල කවුදෝ කට හැකරයෙක් “මුන්ට පන්සල මතක් වන්නේ බලේ නැති විට” යැයි අලුත් කතාවක්ද හදා තිබුනි.

මෙයනම් සහතික ඇත්තකි. බලේ නැති වූ දා පටන් බුද්ධ යන වචනය සහ සිංහල යන වදන බය්යන්ටම සින්නවූ ඒවා වී ඇත.

කොටින්ම සිංහලබෞද්ධ නම් අමුතුම නිකායක්ද බිහිව, මෙලෝ විචාරයක් නැතිව ආගමත් ජාතියත් වැට ගසා රැකගන්නට යන්නේ අර වඳුරු මිතුරා රජා රැකි අයුරිනි.

මෙහි යම් කූඨප්‍රාප්තියක් පසුගිය පස්වැනිදා සිට රැව් දෙන්නට ගත්තේ දන්නෝ බුදුන්ගේ නම් ප්‍රකට ගීය සුප්‍රානෝ ගායනයක් ලෙස නිදහස් දින උළෙලෙලෙහි යළි ඉපැදීමත් සමගය.

මේ ගායනය දුටු, සම්භාව්‍ය බටහිර ගායනා ගැන නොව, අඩුම තරමේ ඒ සින්දුවේ පදවල අරුත කුමක්දැයි යන්න පව නොදත් මීහරක් සමාජ ජාල වල එළි බසින්නට වූයේ අනේ අපේ මහා සම්මත බොදු බැති ගීය උලා කෑවායි කියමිනි.

හැමටම එස්ප්‍රෙසෝ කෝප්පයක් හෝ තුර්කි කෝපි කෝප්පයක් රස විඳිය නොහැක. හෙවි මෙටල් සංගීතය හෝ, මීයන් වෙණ කන්නාක් මෙන් ටියුං ටියුං ගානා සම්භාව්‍ය පෙරදිග සංගීතය රස විඳීමටද නොහැක. එය සමාජයේ ඉතාම සාමන්‍යය තත්වයකි. එනිසා, ඒ ගායනයේ මිහිර අමිහිරිව යමෙකුට පෙනීම අරුමයක් ලෙස නොසිතා අතැර දැමිය හැක.

ඒත් මෙය සම්භාව්‍ය වන්දනීය බොදු බැති ගීයක් යැයි කීම? එය කෙසේ අත හරිඳ?

දන්නෝ බුදුන්ගේ ශ්‍රී ධර්ම ස්කන්ධා
පේවී රකිති සොඳ සීලේ නිබන්දා//
ක‍්ලේශ නස්නා භික්ෂූ ඇත්තේය බෝ සේ//
රහතුන් නිවසනා පායා ප්‍රකාශේ//

මේ කියැවෙන්නේ කුමක්ද?

බුදුන්ගේ ධර්මය දැන සිල් රක්නා පින්වතුන් එහි බොහෝ සිටිත්, කෙලෙස් නැසු භික්ෂූන් ලෝවාමාපායෙහි වසත්.
මෙහි බුදු ගුණයක් හෝ බුදුන් ගැන වර්ණනාවක් කොහිද?

මේ ගීයේ වඩාත්ම සිත් ගන්නා සුළු කොට එන්නේ මීළඟටය. එනම් ඊනියා බොදු ගීයේ බොරු පිරුනු කොටසයි.

භූ ලෝ මතේ මේ දෙව්ලෝ පෑවාසේ
පේනා මෙපුර මුණි සාසන වාසේ
එර්දියෙන් යන්නාවූ නෙක් රහතුන්ගේ…
සෙවනැල්ලෙන් හිරු රශ්මිය භංගේ..

මේ කෙටියෙන් කියන්නේනම්, දෙව්ලොවක් මෙන් පෙනෙන මේ නුවර අපමණ සඟ ඝන වසති. ඔවුන් ඉහලින් යනවිට පොළොවට හිරු එළියත් නොවැටේ!


අද අනුරාධපුර යන ගෝඨාභයලා දකින දෙව්ලොව
බුදු සසුන හරි හැටි පිහිටි, බණ දහම් කරමින් සිල් රකිනා පින්වතුනිගෙන් පිරි නගරයක් දෙව් ලොව නම් පංචකාම සම්පත්තියෙන් පිරි තැනකට සම කරන විට සමහරක්ට සාදු කියවෙනවා වෙන්නටත් බැරි නැත.

එර්දියෙන් යන්නාවූ සිය දහස් ගණනක් රහතුන්ගේ සෙවනැල්ලෙන් හිරු එළියද පොළොවට නොවැටේ.. අහෝ දුකකි, මේ රචකයා මේ කියන්නේ අනුරාධ පුරයේ සිටි රහතුන් අර ඇමරිකාවේ සිටියා යැයි කියන මගී පරෙය්යන් මෙන් ලක්ෂ ගණනින් අහසින් එහේ මෙහේ වැඩ්ඩ බව නේද?

ඊලඟ කෑල්ල ගමු.

මානෙල් නෙළුම් හා ඕලු පුෂ්පාදී
ඇත්තේ පොකුණුවල බෝ ජල පෑදී
සේරූ පන්තී පන්තී පීනති බෝසේ//
අනුරාධනගරය දැන් පෙනෙනාසේ//

ලස්සන මල් පිපී ඇති පොකුණුවලින් පිරි, සේරුන් රන්චු පිටිනි සරනා සුන්දර අනුරාධපුර නගරය දැන් ඈතින් පෙනේ.

සිරි සඟබෝ නාටකයෙහිම පෙන්වන ලෙසට, “සංඝතිස්ස, සන්ඟබෝ, ගෝඨාභය යන කුමරුන් තිදෙනා මහියන්ගනයේ ඉඳල අනුරාධපුරේ එනකොට තමයි මේ අගනුවර වැනුම කරන්නෙ.

ඉතාම පැහැදිලි සුද්ධ සිංහලෙන් තීන මේ ටික නොතේරෙන බය්යො, අනේ මෙන්න අපේ බොදු බැති ගීය උළා කනවෝ කියල මැරෙන්න හදනව.

යකෝ මේකත් අර ගමේ ඉඳල මැනික ලැබිල කොළඹ ආ එඩී කොළඹ සිරියෙන් ඉපිලිල කොළොම්පුරේ ශ්‍රියා කියනව වගේ, එදා මහියංගන කැලේ ඉඳන් අනුරාධපුරේ මෙගා සිටි එකට ආ ගැටව් ඒ නුවර ගැන අතිශයෙඔක්තියෙන් වර්ණනා කරනව මිසක, කිසිම දහමක් නැතිය කියල ඔය පුක පොළොවෙ ගහගන්න අය්යලට දැන්වත් තේරෙයිද මන්ද!

මේ විතරක් නෙමෙයි, අපේ සුපින්වත් සිංහලබෞද්ධ ගොන් රැල අර විවියන් නෝනගෙ

“දුර පෙනෙන වැළි තලා, අනුරාධ පුර දිහා”

කියන මේ වගේම අනුරාධපුරේ සුන්දරත්වය කියන සින්දුවත්,

“නොකියාම එදා ඇස්ළ මහේ සඳ ඇති පායා”

කියන සැමි නැති සොවින් හඬනා බිරියකගෙ විළාපයත්,

“වෙසක් කැකුළු අතු අග සිට නටන විළාසේ”

කියන වසන්ත සෘතු වැනුම එහෙමත් මාර බොදු බැති ගී කරගෙන තියෙන්නෙ.

මොකවත් නෙමේ, බුද්ධ, වෙසක්, සෑය කිව්ව ගමන් මුන් ඇඳගන්නව. ඉන් පස්සෙ කියවෙන්නෙ මොනාද කියල නිකන්වත් හිතන්නෙ නෑ.

එක අතකට බුද්දාගම මිසක බුදු දහම මොටද, නැද්ද මචන්ස්ල.

http://upashantha.blogspot.co.uk/2016/02/hot-hot-anuradhapura_7.html

Related Posts

2 Comments

  1. NILRUK February 9, 2016 at 5:55 pm - 

    VERY VERY CORRECT. MR’S SLAVES ARE BLIND WITH NATIONALITY, RELIGION AND PARTY. WHAT TO DO.

  2. Sirikumara February 11, 2016 at 1:11 am - 

    වහල්හිමි වෙත ලියමි

    බිඳලිය නො හැක මේ බැමි
    බිඳලිය නො යුතු මේ බැමි

    මා මෙන් ම මා පියා
    ඔහු මෙන් ම ඔහු පියා
    අප ඥාති සනුහර ම
    මහත් වූ ගර්වයෙන් බැඳී සිටි මේ බැමි
    බිඳලිය නො හැක නො යුතුය

    කුරුල්ලෝ පියාඹති
    සා මුවෝ පැන දුවති
    නැත අරුම අපට එහි
    උහු සිටිති අප තිබේ

    ඇඟ මසින් ඇතුළු වී රුහිරු දහරා මවන
    ඒ සොඳුරු කස පහර පරපුරක උරුමයයි
    අභිමානයෙන් අප ව සේවයට කැඳවනා
    හදවතට සුවය දෙන ඇරයුමයි

    දෙපා බැඳි ලෝමුවා දම්වැලින් කියන්නේ
    නොනැවතී ගලා යන බැඳීමක ශක්තියයි
    බිඳී යා නො දී ගරු බුහුමනින් රැකිය යුතු
    සදාතන බැඳීමක දම්වැලයි

    පරපුරෙන් පරපුරට බැඳි යදම් රකින්නට
    දිවි දෙවෙනි කොට සටන් වදින්නට පිළිණ දෙමි
    යදම් මුදනට ඔබට යම් දිනක සිතුනහොත්
    ඔබට එරෙහිව වුව ද නැගෙන්නට පිළිණ දෙමි

    04th February 2016

LankaViews

LankaViews

LankaViews

Video wall

‘නෙළුම් යාය’ බ්ලොග් සම්මාන උළෙල