කාලීන සංවාද, විශේෂ

නෙළුම් යාය බ්ලොග් සම්මාන උළෙල 2015

5

පුරවැසි ජනමාධ්‍ය භාවිතාව ප්‍රචලිත කිරීමටත්, බ්ලොග් කරුවන් සමාජයේ දැනුම් නිම්තෙර පුළුල් කිරීම උදෙසා කරන සේවය ඇගයීමටත් බ්ලොග් ලෝකයේ නුදුටු සීමා අතික්‍රමණය කිරීමට නෙලුම් යාය සහෘද සමුහය සංවිධානය කරන දෙවන බ්ලොග් සම්මාන උළෙල 2016 වසරේ මැදින් මස 26 වනදා සවස 2.30 සිට සවස 5.30 දක්වා පැවැත්වෙයි.

ඉවාන් පව්ලුෂා (ප්‍රගීත් අනුරාධ) ගේ මෙයවිමෙන් නෙලුම්යාය සංස්කාරකවරයාගේ (කොළඹ ගමයා) විසින් “2015 බ්ලොග් සම්මාන උළෙල දක්වා නෙලුම් යාය ආ මඟ” පිලිබඳ හැඳින්වීමකින් හා මෙතෙක් කරන ලද ප්‍රජා සත්කාර වැඩ පිලිබඳ හැදින්විමකින් ආරම්භ වන මෙවර උළෙල ගිය වසර ට වඩා ගුණාත්මක ලෙස වෙනස්ව සංවිධානය කිරමට සහෘද බ්ලොග්කරුවන් විසින්ම සංවාද කොට අනුමැත කරගත් වැඩ පිළිවෙලක් තුලින් කටයුතු යොදා ඇත.

නෙලුම් යායේ තේමා ගීතය මෙවරද “මනාගේ ගේ පින්තුරය” බ්ලොගයේ මනෝජ් පෙරේරා විසින් ගයනු ලබයි.

ප්‍රවීන විද්‍යා ලේඛකයෙකු හා “සිව් මංසල කොලු ගැටයා ” බ්ලොගය ලියන නාලක ගුණවර්ධන මහතාත් W3ලංකා බ්ලොගය ලියන ප්‍රවීන හා වෘත්තීය බ්ලොග් කරුවකු වන අජිත් පැරකුම් ජයසිංහ මහතාත් මෙවර ප්‍රධාන දේශනය ඔවුනතර සංවාදයක් ලෙස බ්ලොග් පිලිබඳ කතිකාවක් සේ ඉදිරිපත් කරනු ඇත.

Unnamed theatre group කණ්ඩායම විසින් ඉදිරිපත් කරන “ආණ්ඩුවේ රස්සාවක්” නාට්‍යය හා රන්ජිත් සායක්කාර ඉදිරිපත් කරන “පුවක් එෂනින් ” හා “18 ප්ලස්” අංගයකින් සභාව රස ගැන්වෙනු ඇත.

සභාව සංගීතයෙන් රසවත් කිරීමට බ්ලොග් කරුවන්ගෙන්ම සමන්විත සංගීත කණ්ඩායමක් මෙවර ඉදිරිපත් වෙයි. මේ සඳහා මනාගේ පින්තරුවේ මනෝජ් , ද සහන් බ්ලොගයේ සහන් පද්මසංඛ සහ තවත් බ්ලොග් කරුවන් කිහිප දෙනෙකු ගායනයෙන් සහ වාදනයෙන් සහය දක්වනු ඇත. මෙහි විශේෂත්වය වන්නේ බ්ලොග් කරුවන් කිහිප දෙනෙකු විසින්ම් ලියන ලද ආධුනික ගීත ගායනා කිරමට තෝරා ගැනීමයි.

සම්මාන සඳහා තෝරාගත් බ්ලොග් අඩවි එදිනට හෙළි කරනු ලබන අතර සම්මාන සඳහා ත්‍යාග මුදල් පිරිනමනු ලබන්නේ ප්‍රවීන බ්ලොග් කරුවෙකු හා ද නේෂන් බිල්ඩින්ග් සොසයිටි සමාගම විසිනි. එක්සත් ජාතින් ගේ සංවිධානය විසින් බ්ලොග් කරුවන්ට තෑගි පාර්සලයක් ද ලබා දෙනු ඇත.

සම්මාන ප්‍රදානය ශ්‍රී ලංකා පාර්ලිමේන්තුවේ ගරු කථානායක කරු ජයසුරිය මහතාගේ ප්‍රධානත්වයෙන් පැවැත්වෙනු ඇත.

~~~~~~~~~~ඔබ සැමට කරන සුහද ආරාධනයි මේ.~~~~~~~~~~~

ජනමාධ්‍ය අමාත්‍යංශ ශ්‍රවණාගාරය

ජනමාධ්‍ය හා ප‍්‍රවෘත්ති අමාත්‍යාංශය

නො 163, කිරුලපන මාවත, කොළඹ 5

දිනය – මාර්තු 26 වන සෙනසුරාදා 2016 ​

​අසුන් ගැනීම ප්.ව. 2.00 සිට

ආරම්භය – ප.ව. 2.30 pm ​

Related Posts

5 Comments

  1. කුරුටු ගෑ ගී පවුර March 10, 2016 at 5:23 am - 

    ජයවේවා…………. සින්ඩිගත කිරීමට අවසර…

  2. කල්‍යාණ මිත්‍ර March 10, 2016 at 10:21 am - 

    ජයවේවා! අපිටත් එන්න පුලුවන්ද? :p

  3. editor March 11, 2016 at 10:09 am - 

    අවසර ඇත

  4. Samiddhi himi March 11, 2016 at 9:48 pm - 

    මම ඔබෙන් ඉල්ලා සිටින්නේ අධ්‍යාත්මික අංශය සදහාද කවුලුවක් විවෘත කරන ලෙසය. මම අවු.7 පමණ පටන් බ්ලොග්කරණයේ නියැලෙමි. හුදු ආගමික ස්වරූපයකට වඩා අධ්‍යාත්මික යමක්, මගේ අත්දැකීම් සහ දැක්ම ප්‍රකාශ කරමි.ඒ සදහා ඔබ අවස්ථාව දෙන්නේ නම් බොහෝ වටිනු ඇත.
    මෙයට
    සමිද්ධි හිමි

    • editor March 12, 2016 at 10:31 am - 

      හාමුදුරුවනේ , ඒ වගේ දේවල් දාන්න අපි බොහොම කැමතියි. අපට එවන්න. හැම වෙලේම පල වෙන්නේ කවුරු හරි හාමුදුරු කෙනෙක් කරපු වැරදි වැඩක් ගැන. මේ අධ්‍යාත්මික පැත්ත ගැන ලියන එක හුඟක් වැදගත් ඒ නිසා.

LankaViews

LankaViews

LankaViews

Video wall

‘නෙළුම් යාය’ බ්ලොග් සම්මාන උළෙල